साउन्ड एम्प्लिफाएर

साउन्ड एम्प्लिफाएरले केवल तपाईंको Android फोन र हेडफोन प्रयोग गरेर कम सुन्ने मान्छेहरूलाई दैनिक वार्तालाप गर्न र वरपरको आवाजका बारेमा थाहा पाउन सघाउँछ। आफू वरपरको र आफ्नो डिभाइसको आवाज फिल्टर र अग्मेन्ट गर्न तथा तिनको भोल्युम बढाउन साउन्ड एम्प्लिफाएर प्रयोग गर्नुहोस्।

सुविधाहरू
• बोलेका कुरा अझ राम्रोसँग बुझियोस् भन्नाका लागि अनावश्यक आवाज कम गर्नुहोस्।
• वार्तालाप मोड अन गरी होहल्ला हुने ठाउँमा कुनै वक्ताको आवाज स्पष्ट सुन्नुहोस्। (यो सेवा Pixel 3 र सोभन्दा नयाँ डिभाइसमा उपलब्ध छ।)
• वार्तालाप, टिभी वा व्याख्यानहरू सुन्नुहोस्। निक्कै टाढाका आवाज सुन्न ब्लुटुथ हेडफोनको प्रयोग गर्ने सिफारिस गरिन्छ। (ब्लुटुथ हेडफोनमा आवाज ढिलो सुनिन सक्छ।)
• वरपरको वार्तालाप स्पष्टसँग सुन्न वा आफ्नो डिभाइसमा प्ले भइरहेको मिडिया सुन्नका लागि आफूले चाहेअनुसार ध्वनिसम्बन्धी सेटिङ मिलाउनुहोस्। तपाईं हल्ला कम गर्न वा न्यून फ्रिक्वेन्सी भएका आवाज, उच्च फ्रिक्वेन्सी भएका आवाज वा मधुरो आवाजको भोल्युम बढाउन सक्नुहुन्छ। दुवै कानका लागि एउटै प्राथमिकता वा हरेक कानका लागि छुट्टा-छुट्टै प्राथमिकताहरू तोक्नुहोस्।
• एक्सेसिबिलिटी बटन, जेस्चर वा द्रुत सेटिङ प्रयोग गरी साउन्ड एम्प्लिफाएर अन र अफ गर्नुहोस्। एक्सेसिबिलिटी बटन, जेस्चर र द्रुत सेटिङका बारेमा थप जान्नुहोस्: https://support.google.com/accessibility/android/answer/7650693

आवश्यकताहरू
• Android ८.१ र सोभन्दा नयाँ संस्करण चल्ने डिभाइसमा उपलब्ध छ।
• आफ्नो Android डिभाइसलाई हेडफोनसँग कनेक्ट गर्नुहोस्
• वार्तालाप मोड हाल Pixel 3 र सोभन्दा नयाँ डिभाइसमा मात्र उपलब्ध छ।

तपाईंलाई साउन्ड एम्प्लिफाएर कस्तो लाग्यो भन्ने कुरा हामीलाई निम्न ठेगानामा इमेल पठाएर बताउनुहोस्: [email protected]। साउन्ड एम्प्लिफाएर प्रयोग गर्ने सम्बन्धमा मद्दत चाहिएमा https://g.co/disabilitysupport मा गई हामीलाई सम्पर्क गर्नुहोस्।

अनुमतिहरूसम्बन्धी सूचना
• माइक्रोफोन: अडियोको भोल्युम बढाउने र फिल्टर गर्ने प्रयोजनका लागि अडियो प्रोसेस गर्न साउन्ड एम्प्लिफाएरलाई माइक्रोफोन प्रयोग गर्ने अनुमति दिनु पर्ने हुन्छ। कुनै पनि डेटा सङ्कलन वा भण्डारण गरिँदैन।
• सर्वसुलभतासम्बन्धी सेवा: यो एपले सर्वसुलभतासम्बन्धी सेवा प्रदान गर्ने भएकाले यसले तपाईंका कार्यहरूको अवलोकन गर्न, विन्डोमा भएको सामग्री पुनः प्राप्त गर्न र तपाईंले टाइप गर्ने टेक्स्ट हेर्न सक्छ।