देवी महात्म्य प्राकृत ग्रंथ (अच्युतस्वामी महाराज)

संस्कृत दुर्गा सप्तशती ह्याला प्राकृत भाषेत देवी महात्म्य म्हणतात , प्राकृतात भाषांतर अनेकांचे आहे त्यापैकी अच्युत स्वामींची पोथी अप्रतिम सूटसूटी त व साधारण दीड तासात वाचून देवीची , कुलदेवतेची सेवा रुजू करता येते

सेवा कुलदेवतेची

ज्या देवतेची सेवा प्रचीन काळा पासून एखाद्या विशिष्ट कुटुंबांमध्ये, केली जाते, ते त्या कुटुंबाच्या कुळाचे कुळदैवत किंवा कुलदैवत समजले जाते. विवाह वा मुंज अशा महत्त्वाच्या प्रसंगी होणाऱ्या कुळाचाराच्या वेळी, वा सणावारी किंवा दैनंदिन करावयाच्या पूजेच्या वेळी, प्रत्येक वेळेस 'कुळदेवतेची' , सन्मान, पूजा करण्याची परंपरा आहे. 'कुळदैवत' हे,'देव' वा 'देवी' यांपैकी काहीही असू शकते. बहुतेककरून, कुळाचे पूर्वज ज्या ठिकाणी पूर्वी वास्तव्यास होते, त्या प्रदेशानजीकच्या परिसरातील प्रसिद्ध दैवत हे प्रामुख्याने, त्यांचे 'कुलदैवत' असते. उदा० माहूर, व त्याचे आसपासच्या सुमारे १००-२०० किलोमीटर परिसरातील राहणाऱ्या लोकांचे 'कुलदैवत' माहूरची रेणुका, कोल्हापूर परिसरात राहणाऱ्यांचे अंबा , अगर [जोतिबा] तर दक्षिणेकडून येथे आलेल्यांचे बालाजी हे कुलदैवत असू शकते. 'कुळदैवत' हे येणाऱ्या अरिष्टांपासून कुळाचे रक्षण करते, अशी समजूत आहे. शिवाजी महाराजांची कुळदेवता तुळजापूरची भवानी होती हे तर सर्वश्रुतच आहे.आपल्या कुलदेवतेची पूजा दरवर्षी त्या त्या ठिकाणी जाऊन करण्याची प्रथा प्रचीन काला पासून भारतात प्रचलीत आहेच.

आपल्या जीवनात कुलदेवतेचे स्थान हे सर्व देवांपेक्षाही श्रेष्ठ आहे. कोणत्याही मार्गाने वाटचाल करायची असल्यास कुलदेवतेच्या सेवेला अग्रक्रम आहे. त्यांच्या आशिर्वादाची अपेक्षा आहे, त्यामुळे मोक्ष मार्गाकडे जाताना किंवा

थोर देवांची कृपा संपादन करताना सुद्धा अगोदर कुलदेवतेची सेवा करून संमती मिळवावी. तसेच निरनिराळ्या बाधा, व्याधी, संतती, विवाह, शत्रुनाश, आर्थिक सुबत्ता, कुटुंबात शांती व आरोग्य ह्या विषयांशी कुलदेवतेच्या कृपेचा अगदी निकटचा संबंध आहे. यासाठी कुलदेवतेची सेवा करावी.