Dalaga Na Si Prima

      Masaya na sana si Prima sa kanyang buhay sa Maynila dahil bukod sa gusto niya ang trabaho at pambabae iyon, ay close pa sila ng kanyang boss na crush niya. Ngunit isang araw ay kinailangan niyang iwan ang lahat ng iyon dahil inako niya ang obligasyon ng kanyang ama sa amo nito na si Maximillian. Napilitan tuloy si Prima na bumalik sa buhay-isla at magtrabaho bilang latero ng mga yate at ng iba pang mga sasakyan nito.

      Noong una ay naiilang siya kay Maximillian dahil tila kay lupit nito, suplado, at hindi man lang marunong ngumiti. Ngunit ang inisyal na kaba ni Prima sa lalaki ay unti-unting naging pananabik at ang inisyal na inis ay naging pagnanasa at pagmamahal. 

      Nang maging close sila, inakala niya na mauuwi sila sa pinapangarap niyang relasyon. Ngunit nagkamali si Prima dahil casual relationship lang pala ang gusto ni Maximillian. Paano na ang pangarap niyang maikasal at magkapamilya?