Diary Ng Chubby 2

 Rebecca ang pangalan ko. You may call me Becky. I am the go-to girl, the bitch who gets things done. I take charge. I am the Man.

 Mabait ako. Noon.

 Mapagbigay ako. Noon.

 Hopeful ako. Noon.

 Ball of sunshine ako. Noon.

 Higit sa lahat, sexy ako. Noon.

 I take my bitter herbs tea daily. In other words, palagi akong Bitter Ocampo.

 Wala nang mas sasakit pa sa pagpapakamartir, and I learned that the hard way. Ipinaubaya ko sa iba ang lalaking mahal ko. Ako ang nagbigay, ang nagparaya.

 Wrong move. Ako rin ang nagdusa. 

 Ang sumunod na mas masaklap sa pagpapakamartir ay ang paglobo ng katawan—kapag mula sa size extra small ay naging double extra large ka na.

 Dati, ay hindi ako nauubusan ng manliligaw. Ngayon, wala ako ni isang manliligaw. Kung noon, puno ng sexy clothes ang aking aparador; ngayon, ako na mismo ang mukhang aparador.

 Ito ang aking kuwento, ang matabang bitch na nakipag-sapalaran sa kapaitan ng mundong nagbago ang pagtingin sa akin mula nang tumaba ako. Paano kung muling tumibok ang puso ko? Magpapaubaya ba akong muli o ipaglalaban ko ang kaligayahan ko? Paano kung… isang bampira ang tumitig sa akin nang may pagnanasa? Gusto ba talaga niya ako o… gusto lang niya akong gawing sahog sa dinuguan?