Meidiil : Hell (Simte Edition)
About this ebook
Na heetlawh diing chu sih nung chiangleh hinna a um chih ahi. Na haih nunungpen hun chiang ah chu a vaigei talua ahita hi. Hih khovel a na haih nunungpen zoh chiangin, hinkhua zatsa hin kiit theihna diing hunlemchang na nei nawn sih diing hi. Pathian Vaihawmna, hukhu tungtawna hih khovel a na tuh bangbang na atna diing, in ahung na ngaah hi.
Bible tungtawn in, Pathian hutdamna lampi, vaangam leh Meidiil, huleh Vaihawmna Pathian thu dungjuia hung tung diing ahung musahta hi. Ama’n A silbawltheihna natoh limdangtahte chu Thuhun Lui zawlneite leh Jesu tungtawn ahung taahlangta hi.
Tuni tandong in, Pathian in Amah A hing chih leh Bible chu a dih ahi chih silmahte, chiamchihna, huleh A silbawltheihna natoh limdangtah A suaah thutah leh ginumte tungtawn ana sepdoh Bible a kigialte tungtawn a ana phuangdohte tungtawn in i kawm vah ahung langsah hi. A natohna saahkhi tampi a um vangin, gingloumi tampi a um nalai hi. Hujiahin, Pathian in A tate chu Vaangam leh Meidiil A musah a, huleh a sil muhte uh khovel pumpi a heetpihtu hi diingin A hasot hi.
Lungsiattu Pathian in kei zong zong a bukim in vaangam leh Meidiil ahung langsah a huleh Khrist Hung Kiitna diing a nai mahmahta jiahin khovel pumpi ah hih thu phuangzaah diingin ahung noh hi.
Meidiil a Haankhuuh Nuainungzaw a sil umdan dahhuai leh huaisetah tungtaang thu ka soi laiin, Haankhuuh Nuainungzaw gawtna lauhhuaitah leh huhamtah a luut hagaute a diinga dah a kiliing leh mittui pawt a um kikhawmte lah ah mi tampi ka mu hi.
Haankhuuh Nuainungzaw ah hagau hutdam louhte chu Laltouphah Ngou Loupi Vaihawmna tun matan a um chauh diing uhi. Vaihawmna zoh chiangin, hagau hutdam louhte chu meidiil ahihlouhleh kaat kihalkaang ah khiat ahi diing uhi. Meidiil ahihlouhleh kaat kihalkaang a gawtna chu Haankhuuh Nuainungzaw a gawtna sangin ah hahsazotham hi.
Bible a Pathian thu a kinga a Hagau Siangthou nasepna tungtawn a Pathian in ahung heetsah ka gial ahi. Hih lehkhabu chu i Pa uh Pathian gimthuaahna tawp ngei lou Meidiil he malawhsah a, a sualna vapat a mi a tam theipen hutdam utpa apat a lungsiatna dihtah thu ahi a kichi thei hi.
Pathian in mi zousiah hutdamna diingin A tapa kross a si diingin ahung sawl hi. Ama’n mi koipouh Meidiil gimhuaitah apat hutdam a hih diing uh A deih hi. Pathian in hagau khat chu khovel pumpi sanga manphazaw in A koih a huleh mi khat ginna a hutdam a hih chiangin vaan sepaih leh angelte toh nasataha nuam leh kipaah in, huleh lawm in a um uhi.
Ratings and reviews
About the author
A Gialtu: Dr. Jaerock Lee
Dr. Jaerock Lee chu Muan, Jeonam Province, Republic of Korea ah 1943 kum in a piang hi. Kum sawmnih ahihnungin, Dr. Lee chu suhdamtheihlouh natna tampi kum sagih sung a thuaah a, huleh damdohna diing kinepna um lou in sih diing ngaah in, a um hi. Kum 1974 in khokhal laiin ni khat a sanggamnu’n biaahinn a pui hi huleh khupdin a a thum chiangleh, Pathian Hing in a natna jousiah apat in a damsah veh hi.
Hutobang siltuaah toh Dr. Lee in Pathian Hing a muh toh kiton in ama’n Pathian a lungtang leh a chihtahna jousiah toh a lungsiat a, huleh 1978 kum in Pathian suaah diing a kouh in a um hi. Ama’n Pathian deihzawng kichiantah a a heettheihna diing leh a suhbichintheihna diing leh Pathian Thute a man veh theihna diingin chihtahtahin a thum hi. 1982 kum in, Manmin Central Kouhtuam, Seoul, Korea ah a phutdoh hi, huleh Pathian natohna simseenglouh, limdangtah a suhdamna leh silmahte zong tel in, a biaahinn ah a tung hi.
1986 kum in, Dr. Lee in Korea a Jesus’ Sungkyul Kouhtuam a Kumtawp Khawmpi ah pastor a ordained ahi a, huleh kum li zou in 1990 kum in, a thusoite Australia, Russia, Phillipines leh a dang tampi a Far East Broadcasting Company, Asia Broadcast Station, leh Washington Christian Radio System tungtawn in hahdoh ahi.
Kum thu zohin 1993 kum in, Manmin Central Kouhtuam chu Christian World tanchinbu in (US) in ‘World’s Top 50 Churches (Khovel a Kouhtuam Lian 50 te)’ lah a khat in a teldoh hi huleh ama’n Honorary Doctorate of Divinity, Christian Faith College, Florida, USA apat a ngah hi, huleh 1996 kum in Kingsway Theological Seminary, Iowa, USA ah Ph. D in Ministry a la hi.
1993 apat in Dr. Lee in tuipi gaal lam gamte, Tanzania, Argentina, L.A., Baltimore Khopi, Hawaii, leh USA a New York Khopi, Uganda, Japan, Pakistan, Kenya, Philippines, Honduras, India, Russia, Germany, Peru, Democratic Republic of the Congo, leh Israel a chialpina a bawlna tungtawn in world mission ah lamkaihna a la hi. Uganda a chialpina bawlna chu CNN ah lah in a um hi, huleh Israel Chialpina, ICC, Jerusalem a a bawlna ah, Jesu Khrist chu Messiah ahi chiin a puang hi. 2002 kum in amah chu a tuipi gaal gamte a Great United Chialpinate a a nasepna jiahin “worldwide pastor (khovel pumpi pastor)” chiin Korea Khristian tanchinbute liante’n a minvoh uhi.
March 2017 tan ah, Manmin Central Kouhtuam in kouhtuam member 120,000 val a nei hi. Gamsung leh tuipi gaal ah kouhtuam 11,000 khovel pumpi huap in a nei a, hu lah ah kouhtuam kahiang 56 Korea khopilian tuamtuam ah a um hi, huleh missionary 102 valte gam 23, United States, Russia, Germany, Canada, Japan, China, France, India, Kenya, leh adang tampi telin a sawldoh hi.
Hi lehkhabu kisuahdoh hun tan in, Dr. Lee in lehkhabu 106, a kizuaahdoh tampen (bestsellers) Sih Ma A Kumtuang Hinna Cheplawhna, Ka Hinkhua Ka Ginna I & II, Kross in a Thusoi, Ginna Buuhna, Vaangam I & II, Meidiil, huleh Pathian Silbawltheihna) tel in a gial hi. A lehkha gelhte haam 76 val in lehdoh ahi.
A Khristian thugelhte, The Hankook Ilbo, The JoongAng Daily, The Dong-A Ilbo, The Seoul Shinmun, The Kyunghyang Shinmun, The Hankyoreh Shinmun, The Korea Economic Daily, The Korea Herald, The Shisa News, leh The Christian Press ah ahung tuang hi.
Dr. Lee chu tu leh tu in missionary pawl leh pawlpi tampi ah, Chairman (Lamkailian), The United Holiness Church of Jesus Christ (Jesu Khrist Kouhtuam Siangthou Kigawmkhawm); Permanent President (A Lubawh Hiden), The World Christianity Revival Mission Association (Khovel Khristian Sahkhua Halhthahna Nasepna); Founder (Phutdohtu), Global Christian Network (GCN) (Leitungbup Khristian Kizopkhawmna); Founder & Board Chairman (Phutdohtu & Pawl Lamkailian), World Christian Doctors Network (WCDN) (Leitungbup Khristian Daktorte Kizopkhawmna); leh Founder & Board Chairman (Phutdohtu & Pawl Lamkailian), Manmin International Seminary (MIS) te hihna a tu hi.
