Straight From The Heart

 Pamamasyal ang naisip niyang gawin. Pero nang mag-stopover ang sinasakyan niyang bus sa bayan ng San Ignacio ay isang matandang babae ang nakilala niya. Nagpumilit ang matanda na isama siya sa tinitirhan nito.

 Unang kita pa lang ni Anjie kay Wax, ang apo ng matanda, parang tinadyakan na siya ng kabayo sa sikmura. Para kasing kilalang-kilala na agad niya ang lalaki. May isa pa siyang natuklasan, may itinatago palang kalandian ang kanyang puso. Kung wala ay bakit ganoon na lang ang fascination na nadarama niya para kay Wax?

 Ang kaso, pumasok sa eksena ang kontrabidang si Tanya na obvious na may pagnanasa kay Wax. Handa si Tanya na gawin ang lahat para alisin ang sino mang babaeng mamamagitan dito at kay Wax.

 Kayang i-handle ni Anjie si Tanya. O iyon ang akala niya. Dahil si Tanya pala ang tao sa bangungot na madalas dumalaw sa kanya noong kabataan niya. At ngayong isa na itong realidad, hindi lang sa pag-iibigan nila ni Wax banta ang babae kundi maging sa kanyang buhay...