Stallion Series 19: Phillipe Jacobs

 I don’t even have to fake it.”Napasugod si Celestine sa eskuwelahan ng pamangkin niya dahil ayon dito, inaapi ito ng kaklase nito. At sa lahi nila, bawal ang nadedehado. Sa kasamaang-palad, nakatapat naman niya ang tiyuhin ng bata na si Philippe Jacobs, ang lalaking palagi na lang laman ng mga pantasya niya.

 “Miss, ikaw ba ang umaaway sa pamangkin ko?” walang kangiti-ngiting wika nito sa kanya.

 “Ha?” Luminga-linga siya na parang ibang tao ang kinakausap nito at hindi siya. “Ah, ako ba ang kausap mo?” inosenteng tanong niya rito.

 “Yes, Miss. Ikaw nga ang kinakausap ko. Sabi nitong pamangkin ko, inaaway mo raw siya.”

 Paano niya maipagtatanggol ang lahi nila, kung ang “nang-aapi” ay ang pinakaguwapong lalaking nakilala niya sa buong buhay niya? Wala siya sa mood na makipag-away kung ito ang kaharap niya.