Kazingram I : Heaven Ⅰ (Tangkhul Edition): Aman kasakka Ngalungwui Kahing kala Khamatha katha
About this ebook
Mi akhawui mirinli akhashiva “Thikahaiwui thili I kali vara khala?” or “Kazingram eina meifa leikachang khatla?” Kachihi ngahanserra.
Hiwui answerhi masamphangrang laga mi kachung kachana thiser haowa, or thikahaiwui thili mirin leiyada shitsanglala kazingramwui maramhi theiser machithuda apam chili zangser machi mara. Kazingram eina meifa kachihi ningkap eina semkakhui maning mana, kha manglawui apongli kachangkhatna.
Kazingramhi okathuiwui ot khikhali machantam kapai mathalak kahai apamna.
Ina zingkum shini kakhum eina seiha sada chiwui manga eina ngahankamida kazingramwui maramli kathei samphanga. Aruiva ngathumkahaiwui maramli Varena mataimeida ili chitheimiluishitta lei.
Maramma kazingram hiya mik eina mathei mana, mikumowui tui kala ningphaning eina hangkida saklakka. Chiwui vang eina phap tanguihai kapai maramla lei. Hina maram sada Pao kazatda Paulnala ana theikahai Kathumma Wungramli khalei Paradisewui maramli kupta makahangna.
Varena ili kazingramwui khangathumma maramli tamchitheida shitkasang mapung kapha athishurda samphangki kachi ringkapha kala saman chiwui vang ina kachang kayakha matuipamma. Kha ina theikahai saikorachi tamchitheiser machirar mana.
Lairik hili kazingramwui khangathumma maramli kapida khaleiwui ningrinva mangla kachungkha kahui samphangda khamatha apam kazingramli zangkhavai kasana.
Ratings and reviews
- Flag inappropriate
About the author
The Author: Dr. Jaerock Lee
Dr. Jaerock Leehi 1943li Korea Republic wui Jeonnam Province Muanli pharai. Zingkum makali zatlaga Dr. Leehi zingkum shini maraikapai kazat kazapamda marailuimarada phaninglaga kathi honpamma. Thasayilala 1974 lumkacang ra-uki kachi atamli thangkha ashachonna church akhali hovalaga chili ana khuktida seiha vakasa eina ngalangda awui kazat katonga kharinga Varena raimi haowa.
Atam chitharan Dr. Leena hikatha matakhak kahai otshok hi eina kharinga Vareli samphangda hiwui eina Vareli nganailak eina okthuida 1978li Varewui rao akha sakhavai kapangkhui haowa. Varewui kaphaning kala kahang nganada ot sashap khavai ana thuklak eina seiha sapam chinga. 1982li Korea wui Seoul konungli ana Manmin central church shohaowa kala chili mashan kharar Varewui matakhak kahai kazat raikhami ot tarakha shokka.
1986li Korea wui Annual Assembly of Jesus’ Sungkyul Churchli Dr. Leeli pastor akha sada ordain samiya laga zingkum matiwui thi 1990li haophoklaga Far East Broadcasting Company, Asia Broadcast Station, kala Washington Christian Radio Systemna awui sermon Australia, Russia, Philippines kala apam tarakhali broadcaste samiphok haowa.
Zingkum kathumwui thi 1993li Manmin Central Churchli Christian World magazine (US) na “World’s Top 50 Churches” wui alungli chan-ngasak haowa, laga Christian Faith College, Florida, USA li Honorary Doctorate of Divinity samphanga kala 1996li Ministry kasa wui Ph. D. Kingsway Theological Seminary, Iowa, USA li tamkhuiya.
1993 wui eina Dr. Leena Tanzania, Argentina, L.A., Baltimore City, Hawaii, kala New York City of the USA, Uganda, Japan, Pakistan, Kenya, Philippines, Honduras, India, Russia, Germany, Peru, Democratic Republic of the Congo, kala Israel ngalei hibingli crusade meeting kasali tarakhashida vathanna. Laga Jerusalemli ICC Israel crusadelila Jesu Christahi Messaiahna da hashokta Uganda CNNli chithei. 2002li khangarumma okathuiwui crusade tarakha sakazat wui vang Koreawui major Christian newspapersna ahi “worldwide pastor” da phongmiya.
2017 Marchli Manmin Central Churchhi member 120,000 langhaowa. Ramli kala miramli Koreawui konung bingli church khalei zangda 11,000 church leiya kala ngalei 23li United States, Russia, Germany, Canada, Japan, China, France, India, Kenya, kala kateilila zangda missionary 102 chihoda lei.
Lairik phongkaphok wui eina thuida Dr. Leehi Mathiranglaga Katang Makhavai Mirin Khamazap, Iwui Mirin Iwui Shitkasang I & II, Khrush wui Pao Kapha, Shitkasangwui Khantam (Measure), Kazingram I & II, Kazeiram, kala Varewui Pangshap hibinghi zangda lairik 107 kapihaira. Awui otbinghi tui 76 langmeida khalatshok haira.
Awui Vareshiwui columnhi the Hankook Ilbo, The Chosun Ilbo, The JoongAng Daily, The Dong-A Ilbo, The Hankyoreh Shinmun, The Seoul Shinmun, The Kyunghyang Shinmun, The Korea Economic Daily, The Korea Herald, The Shisa News, kala The Christian Press li zangserda lei.
Dr. Leehi aruiruiva missionary organization kala association tarakhawui kathanna sada lei: The United Holiness Church of Jesus Christ wui chairman sada lei; The World Christianity Revival Mission Association wui Permanent President sada lei; Global Christian Network GCN wui Founder kala Board Chairman na; World Christian Doctors Network (WCDN) wui Founder kala Board Chairman sada lei; kala Manmin International Seminary (MIS) wui Founder kala Board Chairman sada lei.
