Gawtmun : Hell (Zou Edition)

A Gieltu: Dr. Jaerock Lee

Dr. Jaerock Lee khu Muan, Jeonam Province, Republic of Korea ah 1943 kum in a pieng hi. Kum sawmni ahinuain, Dr. Lee khun suhdamtheilou natna tampi kum sagi sung a thuah a, tualeh damdohna diing kinepna um lou in shidiing ngaah in, a um hi. Kum 1974 in khokhal laiin ni khat a sanggamnu’n biehinn a pui hi tualeh khupdin a a thum chiengleh, Pasian Hing in a natna zousie apatin a damsah sieng hi. 

Tuatobang siltuoh toh Dr. Lee in Pasian Hing a mu toh kiton in ama’n Pasian a lungtang leh a chitahna zousie toh a lungsiet a, tualeh 1978 kum in Pasian suoh diinga hat in a um hi. Ama’n Pasian deidan kichientaha a theitheina diing leh a suhbichintheina diing leh Pasian Thute a man sieng theina diingin chihtahtahin a thum hi. 1982 kum in, Manmin Central hattuom, Seoul, Korea ah a phutdoh hi, tualeh Pasian nnasepna simseenglou, lamdangtaha suhdamna leh sillamdangte zong pang in, a biehinn ah a tung hi. 

1986 kum in, Dr. Lee in Korea a Jesus’ Sungkyul Hattuom a Kumtawp Khawmpi ah pastor a ordained ahi a, tualeh kum li zou in 1990 kum in, a thugente Australia, Russia, Phillipines leh a dang tampi a Far East Broadcasting Company, Asia Broadcast Station, leh Washington Christian Radio System tungtawn in hakhiah ahi.

Kum thum nua-in 1993 kum in, Manmin Central Hattuom khu Christian World tanchinbu in (US) in Khovel a Hattuam Lien 50 te’ laha khat in a teldoh hi, tualeh ama’n Honorary Doctorate of Divinity, Christian Faith College, Florida, USA apat a nga hi, Tualeh 1996 kum in Kingsway Theological Seminary, Iowa, USA ah Ph. D in Ministry a la hi.

Kum 1993 apatin Dr. Lee in tuipi gaal lam gamte, Tanzania, Argentina, L.A., Baltimore Khopi, Hawaii, leh USA a New York Khopi, Uganda, Japan, Pakistan, Kenya, Philippines, Honduras, India, Russia, Germany, Peru, Democratic Republic of the Congo, leh Israel a chielpina a bawlna tungtawn in World Mission ah lamkaina a la hi. Uganda a chielpina bawlna khu CNN ah lah in a um hi, tualeh Israel Chielpina, ICC, Jerusalem a a bawlna ah, Jesu Khrist khu Messia ahi chiin a puong hi. 2002 kum in ama khu a tuipi gaal gamte a Great United chielpinate a a nnasepna jiehin “Khovel pumpi pastor” chiin Korea Khristian tanchinbute liente’n a minvo uhi. 

Kum November 2017 tan ah, Manmin Central Hattuom in hattuom member 130,000 val a nei hi. Gamsung leh tuipi gaal ah hattuom 11,000 khovel pumpi huoap in a nei a, tua lah ah hattuom kahiang/bameng 56 Korea khopilien tuomtuom ah a um hi, tualeh missionary 98 valte gam 26, United States, Russia, Germany, Canada, Japan, China, France, India, Kenya, leh adang tampi telin a sawldoh hi.

Tam lehkhabu kisuodoh hun tan in, Dr. Lee in lehkhabu 110, a kizuadoh tampen (bestsellers) Shi Masang A Kumton Hinna Cheplawhna, Ka Hinkhuo Ka Ginna I & II, Khross Thugen, Ginna Tena, Vangam I & II, Gawtmun, leh Pasian Silbawltheina, tel in a gel hi. A laibu gelte ham 76 valin lekhiehdoh ahi.

A Khristian thugelte, The Hankook Ilbo, The JoongAng Daily, The Dong-A Ilbo, The Seoul Shinmun, The Kyunghyang Shinmun, The Hankyoreh Shinmun, The Korea Economic Daily, The Shisa News, leh The Christian Press ah ahing tuong hi.

Dr. Lee khu tu-le-tu in missionary pawl leh pawlpi tampi ah, Chairman, The United Holiness Church of Jesus Christ; Permanent President, The World Christianity Revival Mission Association; Founder & Board Chairman, Global Christian Network (GCN); Founder & Board Chairman, World Christian Doctors Network (WCDN); leh Founder & Board Chairman, Manmin International Seminary (MIS) te hina a tu hi.