Pusong Bato

 Doon niya nakilala si Tatang Ingkong, ang sumpungin at ilusyunadong matanda. Sa kabila niyon, nakagiliwan ito ni Jenina at mukhang nakagiliwan din siya ng matanda. Sa katunayan, bibigyan daw siya nito ng trabaho. Kapag nagawa raw niya iyon, malaking halaga ang ipagkakaloob nito sa kanya. 

 Ang misyong ibinigay ni Tatang Ingkong kay Jenina ay kumbinsihin si Jerico, ang apo nito, na huwag masyadong magpakasubsob sa trabaho. Natatakot ang matanda na matulad dito ang apo. 

 Sa pagtatangka ni Jenina na gawin ang trabahong magbibigay sa kanya ng kadatungan ay nagkaroon siya ng problema. Nahulog ang loob niya kay Jerico. Kaso, may pusong bato ang lalaki. Physically attracted man sa kanya, mukhang hanggang doon lang ang kaya nitong ibigay sa kanya. Kaya malabo ring maimpluwensiyahan niya si Jerico na baguhin ang paniniwalang sa pagpapayaman lang dapat umiikot ang mundo nito. 

 Nakakahinayang na hindi niya makukuha ang bayad na ipinangako ni Tatang Ingkong. Pero may mas nakakahinayang pa pala roon: iyon ay ang kaalamang hindi niya makukuha ang puso ni Jerico—ever.